Агар бехосдан улиб колсангиз (порахур амалдорларга кулланма)                          1.Кимирламасдан нафас олмасдан,овоз чикармай жим ётинг,кузингизни оча курманг,улик уликка ухшаши керак ахир. Агар омадингиз келиб хужайинга етти букулиб тазим килиб турган вактда эмас, каддингизни рослаган чогда жон берган булсангиз сизни бахтингиз,булмаса кийшайганизча коласиз.Кариндош уругларингизу таниш-билишларингизни йиги,куз-ёшларини жуда куйнингизга якин олманг.Чунки купчиликлари сиздан кутулганларидан хурсанд булиб ёки кайсидир ишларини битириб олишга улгурмаганликлари учун йиглаяптганликлари эхтимолдан холи эмас. 2.Уликхонада(моргда) "мен тирикман!","биласанми мен кимман?","бу нимаси?","мен кандай килиб бу ерга келиб колдим ?","Телпак акамга кунгирок киламан хозир, курасанлар кейин","келишайлик" деб дод вой солишингизни бефойда. Сиз("витрезвитель")хушёрхонада эмас,("морг")уликхонадалингизни эсдан чикармаслигингиз керак. Иложингиз йук,у ерга тушдингизми,шундай булиши керак эканлигини унутманг.Тагин жахил килиб оёгингизга такилган ракам ёзилган морг биркасини ечиб ташламанг-а,"Бирка" ёколса сизни адаштириб минг-минг долларларга сотиб олинган "элитний" кабрисистондаги дангиллама гурга эмас, оддийгина кабрга кумворишлари мумкун.Айтмокчи ("морг")уликхона хизматчи -"санитарлари" сизни "каталка"-аравада олиб кетаяптганларида агдариб юборишса,хайрон булиб жахлингиз чикиб юрмасин.Чунки арава -"каталкалар" совет давридан колган эски синик араваларда ахир, янгиларини пулини,сизга ухшаган харомтомок амалдорлар еб юборишган аллакачон. Шунинг учун оёгингиздан тортиб,судраб олиб чикишса хеч хам хафа булмайсиз. 3.Уйингизга олиб келишганда,тагин типирчилаб холодилникни очишга,газакини тайёрлаб 100 грамм отиб олиб,креслода ялпаниб,корнингизни силаб,телевизорда ахборотни ёки корея сериалларини куришга шошилманг.тазия билдиришга келганлар юрак хуружига учрамасинлар тагин.Иложи булса бир тугун килиб зарур нарсаларни олиш эсингиздан чикмасин,гурда керак булиб колиши мумкун,мисол учун гугурт,шагам,бирорта китоб(Узбекистон конституцияси ёки жиноят кодекси)зерикканда укишингиз учун,агар булса кичикрок"лопатка"хам оволинг,хар эхтимолга карши.Тобутга солиб олиб кетишаяптган вактда жим ётинг,бакириб сукинманг,хаммага акл ургатаверманг,лавозими сизникидан юкорирок булган хужайин амалдорни куриб бакириб салом бериб,тазим килиб ишшайманг,узингизга илох килиб олган "додангиз" Каримовни расмини куриб карсак чалиб,серкуёшни айтиб,"юртбошимизга шон шарафлар"деб бакириб,эмаклашни бошламанг,одамлар бу мурда аклдан озибди деб тобутингизни ташлаб кочиб колишлари мумкун. 4.Кабристонда,тобутдан чикаришаяптган вактда кимирламай ётинг,инжиклик килиб гурни бошкача казибсан деб,тамагирлик килиб гурковдан пора талаб килманг.Гурингиз устида туриб куз ёш тукиб,сизни мактаб бир соат нутк сузлаган уринбосарингизни пешонасини упиб,карсак чалишга харакат кила курманг.Аслини олганда сиз унга жойни бушатганингиздан хурсанд. 5.Гурга кириб олганингиздан кейин,зериксангиз,шошиб ташкарига чикишга харакат килманг.Кеч тушиб,ташкарида коронгу булишини кутинг.Тун булганда гурков мехнатини аяб,бир чеккадан туйнук очиб чикинг.Биринчи тунда гурингиздан узокка кетиб,хар хил тош хайкаллар куйилган кабрлар орасида адашиб колманг.Тонгга якин гурков бакиришни бошлаганда зудлик билан гурингизга кириб олинг. 6.Агар,мободо адашиб колсангиз,сизга ухшаганлар куп булиши мумкун,кабристон мамурияти,гурков кабинети олдида навбат олиб,кутишингизга тугри келади.Навбатингиз келгач,ички конунларга риоя килмаганингиз учун жарима тулайсиз.Кейин эса гурингизни топиб беришлари учун навбат кутасиз,навбат билан гурингизни топиб беришади албатта."Бюрократлар" дейсизми ? 7.Гурдан чикиб,сайр килган вактларингизда,кабристонни катта йулакларида жуда эхтиёт булинг.Арвохлар гурковларни кетмонига миниб олиб пойга уйнашади.Босиб кетишмасин,яна.. 8.Кабристондан ташкарига чиксангиз,бир чеккадан хеч кимни куркитмасдан,одоб саклаган холда юринг.Агар бирортасини жуда куркитгингиз келса,кутилмаган холда,бирданига ер тагидан,дарахт ёки шох-шабалар орасидан чиксангиз, албатта утакасини ёрасиз. Лекин узингиз хам ярим тунда юрган бирорта маст-аласт ёки ярим ялангоч алвасти хонимларга дуч келиб утакангиз ёрилиб куркиб кетишингиз эхтимолдан холи эмас. 9.Порахур амалдор дустларингиздан хам хабар олиб туриш эсингиздан чикмасин. Уларни олдига борганингизда,кутилмаганда ойналаридан мураласангиз ёки хожатхоналаридаги "унитаз" ичидан чикиб "калай энди" десангиз сизни умрбод эсларидан чикармайдилар. Жонажон "дода"-президентингизни зиёрат килиш эсингиздан чикмасин.Лекин уни олдига навбат жуда катта дейишаяпти. 10.Айтмокчи , кайтганингизда гурингиз устидаги мармар тошга бирор бир уткиррок нарса билан "КАРИМОВГА ШОН-ШАРАФЛАР","ЭЛИМ ДЕБ ЮРТИМ ДЕБ ЁНИБ ЯШАШ КЕРАК","ИСЛОМ ЭКПАНСИЯСИ ХАВФИ", "ПОРАХУРЛИК ЗАРБДОР ФРОНТ" деб ёзиб куйиш эсингиздан чикмасин.